Monique

زياد الرحباني

الأخبار عدد الخميس ١٤ أيار ٢٠٠٩

الغبرا سودا عادةً، اخترع ربّنا/ فظيع، ربّنا جَدّ، رهيب!... اخترع ربّنا للنسوان/ ما معقول! النسوان هنّ وذكاهن والاحتيال اللي عليهن بالتنظيف والوسوسة بالنظافة، من ضمن الاحتيال العام طبعاً، اخترع ربّنا غير الغبرة السودا عالإشيا البيضا، غبرا بيضا للإشيا السودا، خصّصها يعني بالعدل الكامل. يعني غبرا متواصل إن كان أسود أو أبيض. فلازم الإنسان إذا بدّو فعلاً ينظّف، ويقْرقْنا بإنّو ما عم يقعد ونْقَطَع ظهره من التنظيف، ينظّف، مش يروح يشتري كل شي في أسود بدال الأبيض، إنّو هوي حابّه وبيموت فيه وما بيعطي قيمته لحدا. فهمتي يا "مونيك" (Monique)؟